 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Мяне пакінуў мой анёл-ахоўнік.
Ён зьведаў слодыч вуснаў. Я адзін.
Душа замерзла. І падняўся помнік
На тонкім лёдзе, ямным ад маршчын.
Душа не цела. Можа і ўваскрэснуць,
Блукаць адна па тых сьлядах Тваіх,
Шукаць Цябе і летам цёплым – мерзнуць.
І зноў хварэць жыцьцём за нас дваіх.
Прашу, пакліч! Мяне, анёл, успомні.
Стаміўся я чакаць Твайго сьвятла.
Твайго каханьня дай чытаць мне слоўнік,
Крылом махні – шчасьлівым буду я.
Патрэбна зараз мне Твая апека.
І я Табе сваю апеку дам.
Зірні зь нябёс, анёл, на чалавека –
Убачыш Ты як добра будзе нам.
|
|
|
|
|
|
2009–2018. Беларусь, Менск.
|
|
|
